აქტივობები

ნომერი პირველი საქმე

უნდა მოგვეფიქრებინა და სარისთვის (პროექტის ფასილიტატორი სარი აურამო) გაგვეგზავნა ჩვენი ქვეყნის ნაციონალური ყვავილი. ამის შემდეგ სარიმ ააწყო პრეზენტაცია, სადაც პროექტში მონაწილე ევროპის 40  ქვეყანა წარმოადგინა: კონტურული რუკით, ქვეყნის დროშით და ნაციონალური ყვავილით;

 

შემდეგ

სარის შედგენილი ფურცლები დავბეჭდეთ და გადავინაწილეთ, უკვე ყველამ იცოდა, რომელ ქვეყანაში გზავნიდა და ყვავილს, და ამავე ქვეყნიდან ელოდა კიდეც.

სარიმ გამოგვიგზავნა აგრეთვე, ყველა მონაწილე ქვეყნის დროშა - მხოლოდ შავ-თეთრი ხაზებით. მოსწავლეებმა google- ის საძიებოს გამოყენებით იოლად მოძებნეს დროშის ფერები და გავაფერადეთ; google-ს საძიებოს თავდაპირველად მიუთითეს სურათები (images), და საძიებო ველში აკრიფეს ქვეყნის დასახელება ინგლისურად, რომელიც მათ შავ-თეთრ დროშებს ეწერა და სიტყვა flags; ეს მათ ძალიან იოლად შესძლეს;

ამის შემდეგ

ყველა მოსწავლემ იცოდა თავისი მიზანი და ქვეყანაც სადაც უნდა ჩასულიყო მისი მოხატული ია და დაემშვენებეინა კედელი; ამ ნახატებით უნდა შექმნილიყო "ბაღი სავსე გაზაფხულის ყვავილებით". ჩვენ დავიწყეთ იების მოხატვა და გაფერადება.

სამუშაო პროცესის ამსახველი ფოტოებს ვტვირთავდით e-Twinning-ის პლატფორმაზე; ვქმნიდით საქაღალდეებს შესაბმისი დასახელებით; ყველა ქვეყნის მონაწილეს გვქონდა წვდომა ერთმანეთის ფოტოებზე და მოსწავლეებთან ერთად სიამოვნებით ვათვალიერებდით ევროპის ქვეყნებში როგორ ხატავდნენ ამ პროექტისთვის ყვავილებს; იყო რამდენიმე ვიდეოც - განსხვავებული ხატვის სპეციფიკაზე (თურქეთმა წყალში ხატვა გვაჩვენა, მალტამ - ხელებით ხატვა...);

ბავშვები აღფრთოვანებულები იყვნენ და მუდმივად სიახლეების მოლოდინში; შესაბამისად თვითონაც დიდი მოტივაციით გეგმავდნენ შემდგომ ნაბიჯებს და ახორციელებდნენ;

მე ამ დროს

რათქმაუნდა წერილები რომ გაგვეგზავნა სხვა ქვეყნებისთვის საჭირო იყო მათი ფიზიკური მისამართები; სარიმ გაგვიზიარა ექსელის ცხრილი google-ის დოკუმენტებში და ჩვენ ყველამ ინგლისურად ჩავწერეთ ჩვენი სკოლის მისამართები;

მე ეს მისამართებიც ამოვბეჭდე და ბავშვებს დავურიგე;

გამოვჭერით იები,

2 ფოტოც - სამუშაო პროცესის და მოვათავსეთ კონვერტებში, ზედ მისამართები დავაკარით და გავამზადეთ შორი მოგზაურობებისთვის;

ვადები იყო წინასწარ განსაზღვრული, გაგზავნა დავიწყეთ 15 აპრილიდან; რადგან ეს ფულთან იყო დაკავშირებული საჭირო იყო მშობლების ინფორმირებულობა; ნაწილობრივ დაგვეხმარა სკოლის ადმინისტრაციაც;

ამის მერე დაიწყო

სულ რაღაც ერთ კვირაში დაიწყო და დაიწყო!!! მოდიოდა და მოდიოდა ყვავილები სხვადასხვა ქვეყნებიდან! კონვერტს ხსნიდა ის ბავშვი ვისაც ამ ქვეყანაში ჰქონდა გაგზავნილი ყვავილი; იყო ოვაციები, დიდი სიხარული, გაბრწყინებული სახეები!!! მერე ცდილობდნენ ამოეკითხათ ინგლისურად წარწერები კონვერტზე, ბავშვის სახელი და გვარი, სკოლის დასახელება, ქალაქის (ქვეყანა უკვე ზეპირად იცოდნენ);

ზოგგან იყო ფოტოც, ზოგგან ყვავილის თესლი, ზოგიერთ ყვავილს საოცარი აგებულება ჰქონდა და საოცარი ხელოვნებით იყო შესრულებული;

ყვავილები მოდიოდა ყოველ ორშაბათს (საქართველოს ფოსტამ უკვე იცოდა - დიდ კონვერტებს ვინ ელოდა გორში), სულ მოვიდა 34 ყვავილი (5 არ მოვიდა- თუმცა ამ ქვეყნებიდან სხვებთანაც არ მივიდა)..

ჩვენ კედელი წინასწარ მოვამზადეთ: გამოვჭერით ღეროები და ღეროს ბოლოში მივაწებეთ დროშები; კონკრეტული ღერო კონკრეტული ქვეყნიდან ელოდა ყვავილს; ყოველ ორშაბათს ჩვენ ვავსებდით ჩვენ ბაღს!

Flowers from elenebet